Мартинез повторно лудуваше – селекторот на Аргентина сакаше да го замени! (Видео)

Аргентина во Буенос Аирес го победи Бразил со 4:1 во квалификациите за СП. Така, бранителот на светскиот наслов со уверлива победа потврди дека дури пет кола пред крајот на квалификациите се пласира на СП што ќе се одржи следната година.

Иако за Аргентина овој натпревар во смисла на пласман не значеше ништо, додека Бразил е во тешка ситуација, домаќинот и без Меси убедливо ги победи гостите со Винисиус, Родриго и Рафиња. Рафиња пред натпреварот тврдеше дека Бразил ќе ја победи Аргентина во Суперкласику на нејзиниот терен. Тоа ги распали Аргентинците, па му свиреше публиката, а противниците на теренот го прогонуваа.

Свој допринос на тоа даде Емилијано Мартинез. Тој, излегувајќи од теренот, “случајно” во минување удри во Рафиња, кој полуде по тоа. Сцената на удирањето на Мартинез во Рафиња стана вирална, но уште поголем хит беше она што голманот на Аргентина го изведе во 82-та минута. Осум минути пред крајот, при водство на неговата екипа со 4:1, ја прими топката и потоа жонглираше со неа.

Фактот што го направи тоа за време на натпреварот против најголемиот ривал, чии ѕвезди најавуваа победа во Буенос Аирес, ги воодушеви навивачите на Аргентина на Монументал. Мартинез со тоа ги налути Бразил, но и својот селектор. Лионел Скалони воопшто не се израдува од тоа што неговиот голман така провоцира и понижува противникот. Се крена од клупата и гневно истрча кон Мартинес. As пишува дека му се заканил дека ќе го замени.

dibu martínez fazendo embaixadinhas com a bola

e o treinador da Argentina mandando ele não fazer isso pic.twitter.com/qg6x33936N

— out of context brasileirão (@oocbrsao) March 26, 2025