Многу помалку од фудбалската Лига на шампиони: Еве колку ќе заработи освојувачот на Евролигата

Се приближува крајот на лигашкиот дел од Евролигата, а шпанскиот “Ел Корео” откри колкави ќе бидат наградите за учесниците на крајот од тековната натпреварувачка година.

Евролигата ќе го распореди наградниот фонд од 8.8 милиони евра од 1-во до 14-то место. Според написите, освојувачот ќе добие 1.7 милиони евра (1.769.953). Ова е сума која во Европа одговара на платата на еден добар играч. За споредба, сите најплатени играчи оваа сезона до 14-то место по плата, имаат над 2.000.000 евра.

Второто место е околу милион евра (1.002.973), а третото 884.977 евра.

Наградата за 14-то место е 176.995 евра, а последниот тим кој ќе се пласира во плеј-ин (10-то место) ќе заработи 412.990 евра. За директен пласман во плеј-оф, шестиот тим ќе добие 648.983 евра.

“Ел Корео” додава дека најголемиот дел од наградата претставува таканаречениот „пазарен базен“, чии податоци се строго чувана тајна на Евролигата и се пресметуваат врз основа на значењето на секој клуб во натпреварувањето.

Шпанскиот весник ги спореди наградите со ФИБА Лигата на шампионите, која доделува 600.000 евра на шампионот и распределува 40.000 евра меѓу 32 учесници, наградувајќи секоја победа во Топ 16 фазата и четвртфиналето со 7.500 евра.

Наградниот фонд на Евролигата

1. место – 1.769.953 евра
2. место – 1.002.973 евра
3. место – 884.977 евра
4. место – 766.980 евра
5. место – 707.981 евра
6. место – 648.983 евра
7. место – 589.985 евра
8. место – 530.986 евра
9. место – 471.784 евра
10. место – 412.990 евра
11. место – 353.990 евра
12. место – 294.992 евра
13. место – 235.993 евра
14. место – 176.995 евра