Карастрофа во Австралија: Саинц открива што го предизвика инцидентот

Карлос Саинц имаше деби за заборав во Вилијамс, завршувајќи ја трката во Австралија веќе во првиот круг. Како и да е, неговиот тимски колега Алекс Албон му донесе десет поени на тимот.

Шпанскиот возач немаше среќа на стартот на новата сезона, а по несреќата откри што точно беше причината за ран крај на трката.

„Пред сè, честитки до Алекс и целиот тим, тој направи одлична работа и ни донесе први поени“, изјави Саинц во официјалниот извештај на Вилијамс.

„Ги анализиравме податоците и брзо разбравме што се случило, што ми донесе малку мир во целата ситуација“, додаде Саинц.

„Не би навлегувал во детали, но инцидентот е поврзан со промени во брзините во режимот на безбедносно возило. Се разбира, сум фрустриран и ми е жал за сите во тимот“, кажа тој.