Искусниот шпански фудбалер Серхио Рамос стана тема на денот во Мексико откако ноќта меѓу неделата и понеделникот заработи директен црвен картон при победата на неговиот Монтереј против Пумас со 3:1 во натпревар од 12. коло на Клаусурата.
Некогашниот капитен на Реал Мадрид беше исклучен во првата минута од продолжението кога удри противнички играч со лакот, а главниот судија на натпреварот немаше дилема да го испрати искусниот одбранбен играч порано во соблекувалната.
Учиме по најтешкиот пат: Со едукација за заштита и спасување до спречување на трагедии! ↓↓↓
Овој гест на Рамос воопшто не му се допадна на тренерот на домашниот тим, кој беше прилично критичен кон поранешниот шпански репрезентативец.
„Странците треба да бидат пример за домашните играчи во лигата. Мислам дека Рамос требаше да биде исклучен и порано, без разлика што станува збор за големо име. Ако го направеше ова некој од локалните играчи, ќе го исклучеа во 20. минута, немаше потреба да се чека крајот на натпреварот. Кога се работи за странец, се мери со други аршини и тоа е нешто што не ми се допаѓа во целата приказна“, рече тренерот на Пумас Ефран Хуарез.
.🟥 SERGIO RAMOS, EXPULSADO en su quinto partido con RAYADOS.
— ChiringuitoLatino (@chirilatino) March 17, 2025
👀 Esta es la acción por la que el central vio la cartulina roja.pic.twitter.com/0WNHQ5luuQ
Учество во игри на среќа е дозволено за лица со 18+ години. Играј одговорно!