Не мисли само на фудбалот: Модриќ вложил уште 22 милиони евра во семејниот бизнис

Според пишувањата на странските медиуми, хрватскиот капитен и играч од средината на Реал Мадрид, Лука Модриќ, вложи дополнителни 22 милиони евра во својата компанија, „Modrić Famii SL“. Во шпанскиот Службен билтен на Трговскиот регистар (BORME) стои дека по оваа докапитализација, вкупниот капитал на компанијата изнесува 38.6 милиони евра.

Станува збор за компанија што Модриќ ја основа во 2020 година и се занимава со продажба, купување, градење и изнајмување на недвижности. Иако во 2023 година дојде до пораст на вредноста на имотот, поради дополнителните вложувања, вкупната добивка е намалена од 62 илјади евра на 51 илјада евра, како што неодамна објави шпанскиот финансиски лист El Debate.

Модриќ во Реал заработува околу 420 илјади евра неделно, што е нешто помалку од 22 милиони евра годишно. Станува збор за бруто износи. Според проценките на светските финансиски платформи, Модриќ има вкупно “тежи” од околу 90 милиони евра.