Нејмар не го одиграл своето во Европа: Експресно го напушта Сантос?!

Нејмар минатиот месец го раскина договорот со саудискиот Ал-Хилал и се врати во Сантос. Тоа се покажа како одличен потег за Бразилецот, кој експресно ја врати својата форма во татковината. Досега за Сантос настапи во шест натпревари, со два постигнати гола и три асистенции.

Сантос во тие пет кола на Паулиста оствари две победи, два нерешени резултати и еден пораз, а изгледа дека до крајот на вечерта ќе постигнат и трета победа. Бразилските медиуми објавија дека договорот на Нејмар со Сантос трае до крајот на јуни. Наводно, 33-годишниот крилен напаѓач би можел тогаш повторно да го напушти Сантос.

Низ медиумите во Европа и Јужна Америка се пишува дека целта на Нејмар е да најде ангажман во Европа и уште еднаш да се обиде да игра на највисоко ниво на светскиот фудбал. Cadena SER пишува дека неговата желба е наводно да се врати во Барселона, која е во потрага по дополнителни опции во нападот. Cadena тврди дека Барселона може да се одлучи да го врати Нејмар ако докаже во Бразил дека сè уште има што да понуди на теренот.

Нејмар се врати во својот матичен клуб на крајот на јануари, извршувајќи трансфер од Ал-Хилал, за кој одигра само седум натпревари од март 2023 до јануари 2025 година. Саудијците му исплатија над 200 милиони евра за тој период и одлучија дека е подобро да го раскинат договорот.

Нејмар ја започна кариерата во Сантос во 2009 година, на 17 години, постигнувајќи 136 голови и 64 асистенции во 225 натпревари за да му помогне на клубот да го обезбеди својот прв наслов во Копа Либертадорес по скоро 50 години во 2011 година. Се придружи на Барселона во 2013 година, премина во Париз Сен Жермен за светски рекорд од 222 милиони евра во август 2017 година пред да се приклучи на Ал-Хилал за сума од околу 90 милиони евра.