Отворен спектакуларниот стадион на Евертон, а првиот гол беше провокација за „карамелите“ (Фото+Видео)

Новиот спектакуларен стадион на Евертон беше отворен синоќа со првиот тест-натпревар, а премиерниот гол на Bramley-Moore Dock беше всушност провокација.

Помала група навивачи на Евертон, кои имаа среќа да бидат меѓу избраните 10.000 гледачи, сведочеа на историското отворање на стадионот.

За отворањето е одбран натпревар меѓу У-18 екипите на Евертон и Виган, бидејќи станува збор за тест, а не за официјално отворање кое ќе го испробаат сениорскиот тим кога ќе бидат завршени работите.

Стадионот на доковите на реката Мерси привлекува големо внимание и треба да биде меѓу најмодерните во светот, што значи дека култниот Гудисон Парк оди во историјата. Таму Евертон ќе игра уште само до крајот на сезоната, а потоа трајно ќе се пресели во новиот објект.

Меѓутоа, интересно е што првиот гол беше провокација за домашните навивачи. Младиот играч на Виган, Харисон Ример, страствен навивач на Ливерпул, го постигна првиот гол на Bramley-Moore Dock и потоа упати провокација кон домашните навивачи.

Ример го постигна голот во 12. минута, по што се упати кон навивачите на Евертон и им покажа број шест, што е број на титули на шампиони на Европа кои ги освоил Ливерпул, додека Евертон нема ниту една. Младиот напаѓач не можеше да одолее да го искористи моментот и да се израдува меѓу навивачите на Ливерпул.

First @EvertonStadium test event ✅

Thank you to everyone who helped make tonight happen. Two more to go! 🔜 pic.twitter.com/UhaFy1oQXg

— Everton (@Everton) February 17, 2025

The lights are on. Less than two hours until kick-off! ⏳ pic.twitter.com/kMHSWTLcgb

— Everton Stadium (@EvertonStadium) February 17, 2025

Работите на новиот стадион на Евертон започнаа во летото 2021 година, а капацитетот е 52.888 седечки места. Евертон се бори за опстанок во друштвото на најдобрите, а од наредната сезона ќе игра во Премиер лигата на новиот стадион, ако, се разбира, обезбеди опстанок.