Срушени сите рекорди: Објавени бројките од гледаноста на дебито на Дончиќ

Првиот натпревар на Лука Дончиќ во дресот на Лос Анџелес Лејкерс беше магнет за милиони љубители на кошарката покрај „малите“ екрани.

Американската мрежа ЕПСН, која го пренесуваше натпреварот помеѓу Лејкерс и Јута, соопшти дека во „пик“ моментот натпреварот го гледале 2,55 милиони луѓе, што е дури 42% повеќе од просечната гледаност на НБА натпреварите минатата сезона.

Дебито на Дончиќ донесе рекордна гледаност иако 25-годишниот Словенец влезе во игра во непопуларен термин – во понеделник по 22:30 по локално време.

Натпреварот на Лејкерс и Јута го проследија во просек 2,01 милиони луѓе, според аналитиката на компанијата „Нилсен“, и беше најгледан натпревар за машката публика на возраст од 18-34 години, 18-49 и 25-45 години.

На гледаноста не влијаеше фактот дека Лука беше на теренот 24 минути, постигна за него скромни 14 поени, ниту тоа што ја преседи последната четвртина на клупата, а самиот натпревар беше решен многу пред крајот.

Luka Dončić’s @Lakers debut against the @utahjazz on Monday averaged 2.01M viewers pic.twitter.com/rioiHzzBhH

— ESPN PR (@ESPNPR) February 12, 2025