УС Опен направи радикална промена

Организаторите на УС Опен најавија промена на форматот кога станува збор за мешаните парови.

Накратко – наградниот фонд од милион долари, скратени мечеви и помал ждреб, кој дава предност на сингл-играчи.

Промените се направени за да се привлечат повеќе ѕвезди во играње мешани парови, а со тоа да се зголеми бројот на навивачи.

Турнирот ќе се игра во неделата пред почетокот на самото натпреварување, за време на квалификационите натпревари, а сите мечеви ќе се одржат на „Артур Еш“ и „Луј Армстронг“.

На настанот ќе учествуваат 16 тима, што е двојно помалку во однос на минатите сезони.

Осум тима ќе бидат рангирани врз основа на комбинираниот ранг на играчите во поединец, додека останатите осум парови ќе добијат специјални покани.

Мечевите ќе се играат во два добиени сета, а секој ќе се игра до четири гема. Тај-брејк на 4:4. Одлучувачкиот сет ќе биде решен по своевиден супер тај-брејк до 10 поени.

Mixed Doubles will take center stage at the US Open in 2025! pic.twitter.com/2CPEtBJodJ

— US Open Tennis (@usopen) February 11, 2025