Ѓоковиќ и Мареј донесоа конечна одлука: Познато до кога Британецот ќе биде тренер на Новак

Новак Ѓоковиќ и Енди Мареј решија да ја продолжат соработката и покрај неуспехот на Австралија Опен.

Некогаш големите ривали, а сега соработници, ќе работат заедно и за време на Ролан Гарос и Вимблдон, пишува британскиот Тајмс.

Најдобриот тенисер во историјата и Мареј ја започнаа соработката во ноември, а откако Ѓоковиќ загуби во полуфиналето на Австралија Опен, објави дека ќе разговараат за тоа дали ќе ја продолжат соработката.

Сега е јасно дека договорот е постигнат и дека Мареј ќе ја продолжи својата тренерска кариера работејќи со српската ѕвезда.