Проблеми за Пеп: Манчестер сити може да остане без Халанд

И покрај тоа што Ерлинг Халанд неодамна потпиша договор со Манчестер Сити на 9,5 години, „граѓаните“ веќе на лето би можеле да останат без него!

Сити пред неколку недели долгорочно го реши статусот на извонредниот голгетер.

Двете страни потпишаа договор до дури 2034 година, според кој Норвежанецот добива повеќе од 600.000 евра неделно.

Клубот од „Етихад“ се обезбеди многу добро, бидејќи во договорот нема клаузула за откуп до 2029 година и дури тогаш ќе биде активирана за сите клубови, но нејзиниот износ не е познат.

Сепак, постои еден услов под кој Халанд може да го напушти клубот, а Манчестер Сити не може многу да влијае, со што и самиот фудбалер се осигура во случај клубот значително да подвлече линија во своите перформанси.

Како што ексклузивно открива „Ел Насионал“, Халанд се осигурал во случај клубот да не обезбеди учество во Лигата на шампионите наредната година.

Ако Сити не биде меѓу четирите најдобри екипи во Премиер лигата, а моментално е петти, Норвежанецот во договорот има специјална клаузула која му дозволува да преговара со други клубови.