Гвардиола потроши повеќе отколку сите дури 19 премиерлигаши заедно

Манчестер Сити во јануари за четири засилувања потроши 180 милиони фунти, останатите 19 премиерлигаши за нови играчи 177 милиони фунти!

Зимскиот трансфер период во Англија заврши, а во центарот на вниманието како целиот јануари така и последниот ден, односно 3 февруари, беше четирикратниот последователен шампион на Премиер лигата.

„Граѓаните“ оваа сезона не им оди најдобро, моментално се петти на табелата со дури 15 бодови помалку од лидерот Ливерпул, што ја објаснува „лудата“ акција на менаџерот Пеп Гвардиола.

Не дека на „Етихад“ беа штедливи последниве години, далеку од тоа, но податокот што го објави „Би-Би-Си Спорт“ на последниот ден од трансфер периодот навистина е неверојатен:

„Тимот кој го води Гвардиола во јануари потроши 180 милиони фунти за четири засилувања, додека останатите 19 премиерлигаши потрошија 177 милиони фунти за нови играчи!“