Интер во драматичен финиш се спаси од пораз во градското дерби

Милан и Интер одиграа фантастично дерби со драматичен финиш, кое на крајот заврши без победник со резултат 1:1.

Првиот гол на натпреварот го постигна Тижани Рејндерс во 45-та минута, кога налета на одбиена топка и ја смести во мрежата на Интер.

„Нероаѕурите“ во второто полувреме беа подобар противник, а Милан главно беше ориентиран  да го задржи водството.

Интер дури три пати ја погоди стативата, а израмнувањето дојде во 93-та минута со голот на Де Врај по асистенција на новото засилување Залевски.