Гвардиола плаќа клаузула за дете на „Ла Масија“, Барселона ќе добие 24 милиони евра!

Манчестер Сити ќе го одбележи јануари 2025 година со уште еден бомбастичен трансфер!

Како што ексклузивно откри Фабрицио Романо, Сити одлучи да ја плати клаузулата за играчот на Порто и дете на Барселона – Нико Гонзалес, која изнесува дури 60 милиони евра!

Станува збор за 23-годишен играч од средниот ред, кој летото 2023 година одлучи да ја напушти Барселона поради огромната конкуренција и покрај тоа што добиваше шанса кај Чави Ернандез. Претходно играше на позајмица во Валенсија и не сакаше да ја чека својата шанса, па затоа Порто го плати осум милиони евра. Но, Барса задржа право на дури 40% од неговата следна продажба.

Ако Сити ја плати неговата клаузула која изнесува 60 милиони евра, на Порто му одат „само“ 36 милиони, а на Барселона дури 24.000.000!