Депај бега од „Олд Трафорд“ – се сели во Италија

Мемфис Депај пристигна на „Олд Трафорд“ како големо засилување минатата година, но со доаѓањето на Жозе Мурињо падна во втор план.

Холандскиот интернационалец не е задоволен од својот статус и сака уште во јануарскиот преоден рок да го промени клубот.

Медиумите тврдат дека Депај ќе се пресели во италијанската Серија А каде силен интерес за неговиот потпис покажува екипата на Рома.

Италијанските медиуми пренесуваат дека „волчицата“ сака да го доведе 22-годишниот Холанѓанец на позајмица во јануари со можност да го откупи неговиот договор на крајот на сезоната.