Анчелоти: Го разбирам зошто Крос зошто го напушти фудбалот

Реал Мадрид по седум кола од Лигата на шампиони има 12 поени, а вечерва гостува во Франција кај Брест, кој има еден повеќе. Мадридците со победа и понатаму можат да ја завршат оваа фаза од натпреварувањето меѓу најдобрите осум и директно да се пласираат во осмина-финалето, но за тоа би требало да се поклопи низа резултати.

“Ќе се фокусираме на натпреварот со цел на победа и што повеќе пласирање, ништо повеќе. Потоа ќе видиме што ќе се случи со ждрепката”, изјави во најавата за натпреварот тренерот Карло Анчелоти, кој се осврна на својата иднина во Реал, но и на иднината на Винисиус.

“Клубот и јас сакаме да останеме заедно што е можно подолго. Ако се случи нешто необично, може да дојде до промени. Тоа често се случува во фудбалот, но добро работиме заедно. Клубот има доверба во мојата работа, а јас имам доверба во она што клубот ми го носи во секој поглед”, рече Анчелоти, кој размислува само на тековната сезона и верува во нејзиното успешно завршување и покрај тешкотиите и повредите.

“Формата ни е сѐ подобра. Уште не сме во најдоброто издание, но сме се поблиску. Се подобривме како тим, како колектив, но и играчите индивидуално многу придонесоа, особено Мбапе. Нему му требаше време за прилагодување, но сега му оди многу добро. Мотивиран е, сака да игра со соиграчите и ужива во тоа”, вели тренерот на Реал.

Не заборави да ги пофали ни Родриго, Белингхам и Винисиус, а потоа ја прокоментира заинтересираноста од Саудиска Арабија за последниот, за кој Ал Ахли наводно му понудил на Реал рекордни 300 милиони евра обештетување, а на играчот петгодишен договор вреден една милијарда евра.

“Сѐ разбирам кога станува збор за фудбалот. Го разбрав и зошто Тони Крос се повлече во пензија, а тоа не можат да го кажат многу луѓе. Тие одлуки се индивидуални, но како што веќе реков, гледам дека е среќен и сака да остане овде и да освојува титули со Реал Мадрид. Мислам дека ќе ја избере славата”, е оптимистичен Анчелоти.