Легендарниот Браизлец ги советува сонародниците: Не одете во Англија, таму ви го перат мозокот!

Англиското првенство за многумина е најдобра фудбалска лига во светот, но не се сите воодушевени од случувањата на Островот. Така, легендарниот десен бек Кафу одлучи да ги советува бразилските играчи да избегнуваат одење во Англија и објасни зошто.

Играњето во Англија е сон за речиси секој фудбалер, бидејќи веќе неколку декади Премиерлигата е една од најсилните лиги во светот.

Меѓутоа, не се сите љубители на Премиерлигата и повеќе склони кон други европски лиги, а еден од нив е и легендарниот бразилски десен бек Кафу.

Кафу е без сомнение еден од најдобрите десни бекови во фудбалот, а она што го постигна во својата играчка кариера е неверојатно. Со Бразил беше светски првак во 2002 година, а во клупската кариера најдобро играше во дресот на Милан со кој освои речиси сè што можеше.

Од златната генерација од 2002 година Бразил не го освоил Мундијалот, што е епски неуспех во таа земја, со оглед на тоа какви тими имаа во изминатите две децении.

Кафу одлучи да говори за тоа и истакна дека постои голем проблем, а тоа е што се повеќе Бразилци одат да играат во Англија и добиваат покана во репрезентација иако не го заслужуваат тоа.

“Се плашам. Колку повеќе Бразилци играат во Премиерлигата, толку се помали шансите дека Бразил во блиска иднина ќе го освои Светското првенство,” изјавi Кафу и продолжува.

“Замислете да ви го perat мозокот секој ден медиумите во Англија, бидејќи бомбастично пишуваат дека сте најдобри во светот, а всушност не сте ни блиску до најдобрите. Тоа што медиумите во Англија го прават со играчите е тажно и тоа го сфаќаат дури кога одат во друга лига, каде се целосно ‘угаснати’. Се плашам за Бразил, бидејќи сè повеќе од нашите играчи одат таму и видете што пишуваат за нив иако тоа не е реално”.

“Сите тие потоа доаѓаат во репрезентацијата иако повеќето не го заслужуваат тоа. Повеќе ja преферирам Ла Лига затоа што таму имаат менталитет дека секое финале е важно и освојувањето на трофеи е единствено битно. Тие немаат луѓе кои одат пред ТВ камерите и медиумите да говорат лаги како играчите во Шпанија се најдобри во светот и дека нема подобри на друго место, и дека сите вредат над 100 милиони евра. Тие таму разговараат за фудбал, а не ‘шупливи’ приказни”.

🗣️ Cafu: “I am afraid, the more we have Brazilians moving to the Premier League, the fewer chances for Brazil to win the World Cup.

Imagine being brainwashed by the media every week that you are the best in the world, meanwhile, you are not near the best.

I prefer La Liga… pic.twitter.com/WqnSUV1d8q

— Football Talk (@FootballTalkHQ) January 29, 2025