Млад кошаркар постигна 102 поени на еден натпревар, Леброн побара снимка за доказ (Видео)

Младиот кошаркар Ник Хачикиан стана сензација откако го сруши рекордот на Калифорнија постигнувајќи неверојатни 102 поени за време на еден натпревар.

Хачикиан настапува за средното училиште Месробиан, а пред неколку дена стана хит бидејќи постигна дури 102 поени во победата против Ваверли со резултат 119:25.

Младиот Ник, кој инаку постигнува нешто повеќе од 32 поени по натпревар, така ги сруши сите рекорди на Калифорнија. На теренот помина 22 минути, а шутираше 48/60 од игра. Постигна и шест тројки.

Досега рекордот во Калифорнија го држеше Тигран Григорјан, кој во 2004 година постигна 100 поени. Интересно е тоа што Григорјан исто така играл за ова училиште и сега е тренер на младиот Ник Хачикиан.

Веста привлече внимание од еден од најдобрите кошаркари на сите времиња, Леброн Џејмс, кој во неверување побара видеоснимка што ќе потврди дека младиот кошаркар навистина постигнал 102 поени. На крајот ја доби, а на снимката можете да видите што навистина направи младиот Ник.

Во истиот натпревар и неговиот брат Дилан Хачикиан постави рекорд според бројот на асистенции во еден натпревар. Запиша 35 асистенции и интересно, не постигна ниту еден поен.