Несторовски го продолжи договорот со Славен Белупо

Македонскиот интернационалец Илија Несторовски го продолжи договорот со Славен Белупо и ќе остане во тимот од Хрватска до јуни 2026 година.

Раководството на Славен Белупо е задоволно со македонскиот напаѓач, па затоа реши да му ја продолжи соработката за уште година ипол.

„Среќен сум што се договоривме за нова соработка, бидејќи во Копривница се чувствувам како дома. Во клубот владее семејна атмосфера, и кога ми беше понуден нов договор, не се двоумев ни минута. Дури и не го прочитав договорот, веднаш потпишав. Среќен сум што ќе продолжам да бидам дел од овој клуб“, истакна Несторовски.