Речиси се е договорено – Елмас оди на позајмица!

Репрезентативецот на Македонија, Елиф Елмас во вториот дел од сезоната како што стојат работите ќе биде дел од шпанска Валенсија.

Шпанскиот тим е блиску до договор со Лајпциг за позајмица на македонскиот фудбалер кој не добива шанса во бундеслигашот.

Елмас во Лајпциг се пресели со цел да добие поголема минутажа отколку во Наполи, меѓутоа во Германија се случи спротивното, речиси и да не игра.

Од друга страна Валенсија во него гледа одлично освежувње во средниот ред, а во прашање би била позајмица до крајот на сезоната. Германските медиуми пренесуваат дека Валенсија се одлучила за Елмас пред Енцисо од Брајтон.

Ќе потсетиме, во Валенсија веќе настапува македонскиот чувар на мрежата Столе Димитриевски.