„Бисерот“ на Лион достапен за ситница

Фудбалскиот клуб Олимпик Лион и напаѓачот Рајан Черки постигнаа договор околу заминувањето на талентираниот фудбалер.

Момчето кое е 15 години во клубот ќе си замине зимава или на лето, а неговата цена ќе биде „само“ 22 милиони евра, пренесуваат медиумите.

Черки е офанзивен фудбалер кој може да игра и како плејмејкер, но и по крилните позиции. Тој е продукт на школата на Лион и важи за најголем француски талент во моментов.

Лион има финансиски проблеми па ќе мора да продава фудбалери, а има договор со агентите на Черки да замине за 22,5 милиони евра.

Многу европски гиганти покажуваат интерес, а како фаворити за неговиот потпис важат Баерн Минхен и Борусија Дортмунд.