Алаба се враќа после 13 месеци

Дефанзивецот на Реал Мадрид, Давид Алаба од денеска конечно се враќа на терените.

По цели 13 месеци од тешката повреда на предните вкрстени лигаменти, Австриецот ќе се врати на терените.

Извори од Мадрид велат дека планот на Карло Анчелоти е денеска да му даде неколку минути на Алаба во случај Реал да има позитивен резултат против Лас Палмас.

Реал има огромни шанси да и побегне на Барселона на +7, што можеби би го исфрлило нивниот најголем ривал од трката за титулата, а имаат противник по мерка, а со тоа и шанса за Алаба да се врати и да ги постигне првите минути по долга пауза. .

Карло Анчелоти на тој начин добива огромно засилување за остатокот на сезоната, бидејќи е познато дека Едер Милитао ја заврши сезоната, а Чуамени не ги исполни очекувањата на централниот бек.