Македонија храбро се бореше, но загуби од Холандија

Македонските ракометари одиграа солиден натпревар против Холандија, но за жал на крајот беа поразени со 32-37 во вториот меч од Светското првенство (СП).

Македонија имаше одличен почеток и водство по 20 минути игра (13-12), но потоа репрезентативците влегоа во серија грешки, кои беа казнети од Холандија (18-15).

Холандија во второто полувреме успешно ја чуваше предноста, иако Македонија намали неколку пати на само два голови негатива (25-27), меѓутоа немаше сила за пресврт (32-37).