Барселона го освои Суперкупот на Шпанија. Во финалето на Ел Класико го победи Реал Мадрид со огромни 5:2 и така стигна до својот прв трофеј оваа сезона.
Зошто проблемот со улични кучиња СÈ УШТЕ постои? | Уште еден поткаст
Реал ги постигна првиот и последниот гол на мечот, а стрелци беа Мбапе и Родриго. За Барселона, два гола постигна Рафинја, а по еден додадоа Ламине Јамал, Роберт Левандовски и Балде. По црвениот картон на голманот Војчех Шчесни, Германецот на клупата на Барселона реши да направи измени, а во игра влегоа голманот Инаки Пена, кој го замени Гави, и Дани Олмо наместо Јамал.
Барселона со играч помалку не успеа значајно да се закани на голот на Реал, па така и Олмо не можеше многу да направи, но поранешниот играч на Динамо ги воодушеви навивачите на Барса со гестот кој го направи на теренот. Олмо во еден момент го бакна грбот на Барса и со прстите покажа надолу, гестикулирајќи дека сака да остане во својот клуб.
Јасна порака од Дани Олмо за неговата иднина до навивачите на Барселона pic.twitter.com/nQsy6cWpBE
— Фабрицио Романо (@FabrizioRomano) 12 јануари 2025
Учество во игри на среќа е дозволено за лица со 18+ години. Играј одговорно!