Гигс ќе се бори со Невил за тренерската фотеља во Евертон

Јавноста во Англија на големо шпекулира за тоа кој би можел да ја преземе клупата на Евертон.

Евертон по поразот од Арсенал, падна на 18. позиција со само осум бодови во девет одиграни кола, а данокот за лошите резултати го плати Роналд Куман за чиј наследник на „Гудисон Парк“ се трага.

Би-Би-Си пренесува дека во игра за менаџерската фотеља е и Фил Невил. 40-годишниот Невил своевремено за клубот од Ливерпул одигра повеќе од 250 натпревари, а кога е во прашање тренерската кариера, самостоен ангажман се’ уште немал. Претходно како помошник работеше во Манчестер Јунајтед и Валенсија.

Невил како што се наведува остварил разговор со раководството на Евертон и во следните денови, би требало да биде познато дали ќе добие шанса да го предводи овој клуб.

Како што објавивме во текот на вчерашниот ден, за оваа позиција во трка е и легендата на Манчестер Сити, Рајан Гигс.