Навивачите на Милан ќе збеснат: Донарума се сели во Интер!?

Интер внимателно го следи Џанлуиџи Донарума, поранешниот голман на „Росонерите“ кој во моментов игра за ПСЖ и се подготвува за претстојниот летен трансфер период.

Со завршување на договорот на Донарума со ПСЖ во јуни 2026 година, Интер гледа можност ако италијанскиот репрезентативец одлучи да не го обнови својот договор.

Џанлука Ди Марцио објави дека „Нераѕурите“ веќе ја планираат летната трансфер стратегија, особено имајќи го во предвид зајакнувањето на голманската позиција.

Ако Донарума одлучи да го напушти ПСЖ, тој би можел да стане за Интер одлична опција, посебно земајќи го предвид неговиот претходен мандат во Милан, нивните градски ривали.