МЗТ повторно потклекна: Немоќни Аеродромци и против Цибона

Кошаркарите на Цибона вечерва ја остварија третата победа во новата сезона во регионалното натпреварување, бидејќи вечерва славеа против МЗТ во Скопје со 83:76.

По рамноправната битка во првата четвртина, интересно беше продолжението во вторите десет минути. МЗТ предводен од Трајковски поведе со осум поени разлика, а потоа следеше фуриозна серија тројки за Загречаните, кои екпресно преку серија 14:0 создадоа шест поени предност.

Сепак, повторно следеше „резултатска нишалка“, но Цибона не дозволи да изгуби, преземајќи го водството кон средината на третата четвртина кое го оддржуваше до крај.