Леброн го водеше Лејкерс до триумф, Вембањама делење „банани“ против Портланд (Видео)

Леброн Џејмс го предводеше Лос Анџелес Лејкерс до победа на гостување против Сакраменто Кингс – 103:99.

Џејмс постигна 32 поени (13/24 од поле, 1/8 за три, 5/6 слободни фрлања), седум скокови, шест асистенции и четири украдени топки.

Ентони Дејвис беше необично „тивок“ со 10 поени, 15 скокови и пет асистенции. Остин Ривс постигна 16, а Диандџело Расел 20 поени.

На другата страна, најдобар беше Де’Арон Фокс со 31 поен, седум асистенции и пет скокови. Домантас Сабонис забележа 19 поени и 19 скокови.

Натпреварот беше прилично изедначен, тимовите се менуваа во водство, за да на крајот Лејкерс направија клучна серија во последната четвртина (12:1), со што го решија натпреварот.

Лејкерс сега имаат скор 16-12, додека учинокот на Сакраменто е 13-16.

Сан Антонио го совлада Портланд со 114:94, при што блесна Виктор Вембањама, кој постигна 30 поени, 10 блокади, седум скокови и три асистенции.

Кај Портланд се истакнаа Анфeрни Симонс со 18 поени, шест скокови и пет украдени топки, и Диандре Ејтон со 14 поени и осум скокови.

Сан Антонио има скор 15-13, додека Портланд е на учинок 9-19.

WEMBY’S 10TH BLOCK

With 10 minutes still to play…

Watch on NBA League Pass: https://t.co/0EjWhkHT67 pic.twitter.com/QYNQiaFban

— NBA (@NBA) December 22, 2024

НБА, натпревари:
Кингс – Лејкерс 99:103
Меџик – Хит 121:114
Хокс – Гризлис 112:128
Нетс – Џез 94:105
Булс – Селтикс 98:123
Кавалирс – Сиксерс 126:99
Бакс – Визардс 112:101
Тимберволвс – Вориорс 103:113
Пеликанс – Никс 93:104
Маверикс – Клипeрс 113:97
Спарс – Блејзерс 114:94
Санс – Пистонс 125:133