Познати се сите возачи во Формула 1 за следната сезона, последното место го доби 20-годишниот Французин

Со денешното објавување на „Racing Bulls“ се комплетираше листата на возачи за новата сезона во Формула 1, и сега ги имаме сите 20 натпреварувачи кои ќе се борат во 2025 година.

Последното, 20. место беше отворено во екипата Racing Bulls, и истото го пополни 20-годишниот Французин со алжирско потекло Исак Хаџар.

Хаџар оваа сезона возеше за Campos Racing во Формула 2 и на крајот го освои второто место во поредокот на возачи.

Покрај него, од Формула 2 во Формула 1 преминаа и првакот Габриел Бортолетo (Sauber), шесторангираниот Андреа Кими Антонели (Mercedes), и дванаесетиот Оливер Бирман (Haas).