Баерн замената за Милер ја најде во Реал Мадрид

Баерн Минхен е заинтересиран за турскиот играч од средниот ред на Реал Мадрид, Арда Ѓулер, пренесуваат шпанските медиуми.

Арда Ѓулер, кој има 18 настапи оваа сезона за Реал Мадрид со скромна статистика од еден гол и една асистенција, се смета за еден од најголемите таленти во европскиот фудбал.

Во Баерн во Ѓулер гледаат идеален наследник на 35-годишниот Томас Милер и веќе стапиле во контакт со Реал.

Меѓутоа, Реал не сака да го продава својот „бисер“ и е спремен да го испрати само на позајмица.