Алегри го нарекол Бонучи будала: Стоперот збеснал – малку недостасувало да се степаат!

Леонардо Бонуќи (37) е еден од најдобрите италијански стопери на сите времиња. Кариерата ја заврши минатата сезона во дресот на Фенербахче, а најдобриот фудбал го играше во Јувентус во два мандата. Првиот траеше од 2010 до летото 2017, по што поради голема кавга со тренерот Масимилијано Алегри замина во Милан.

Таму веднаш стана капитен, но по неуспешната сезона се врати во Јувентус во 2018 година, каде што остана до летото 2023. Во интервју за Prime Video, Бонуќи се присети на тоа што се случуваше меѓу него и Алегри пред седум години.

“Му предложив да го извади Маркизио во една натпревар, кој се врати по повреда на предните вкрстени лигаменти. Беше изгубен на теренот, а по пет минути Алегри го смени Стураро за Ринкон и ми кажа да „одј*ам. Дополнително, ми рече да размислам дека сум само играч и дека сум будала. На крајот од натпреварот го заковав во врата, а потоа не разделија.”

Во кариерата, Бонуќи играше и за Витербесе, Интер, Тревизо, Пиза, Џенова, Бари и Унион Берлин. За репрезентацијата на Италија има 121 настап и осум голови, а пред три лета стана европски шампион. Беше познат по извонредната техника и партнерството со Џорџо Кјелини, Андреа Барѕали и Џанлуиџи Буфон. Со Јувентус освои осум титули на првак на Италија.