Бове можеби никогаш повторно нема да може да игра во Италија?

Едуард Бове кој колабираше во натпреварот можеби никогаш повеќе нема да игра професионално фудбал, пренесуваат медиумите

Бове во моментов е сè уште во болница во свесна состојба каде што се прават дополнителни тестови за да се утврди што точно му се случило. Да потсетиме, тој се сруши на теренот во 17. минута од натпреварот помеѓу Фјорентина и Интер.

Ако резултатите покажат дека срцев удар е предизвикан од неправилна форма на срцето, ќе му биде имплантиран кардиовертер дефибрилатор, а со оглед на тоа што во Италија е забрането да се занимаваат со спорт лица на кои им се поставени модификации на срцето, Бове би можел да ја заврши кариерата во Серија А.

Една од опциите за Бове сепак може да биде да се пресели од Италија, доколку сè биде како што треба. Нешто слично направи Кристијан Ериксен кој имаше слични проблеми, па кариерата ја продолжи во Англија, односно Манчестер јунајтед.