Почина легендарниот голман кој во финале на Лигата на шампиони одбрани четири пенали

Познатиот голман на Стеауа, Хелмут Дукадам, почина на 65-годишна возраст, пренесуваат романските медиуми.

 Легендата на романскиот фудбал Хелмут Дукадам, познат како „Херојот од Севиља“ од 1986 година влезе во Гинисовата книга на рекорди како единствен кој одбранил четири пенали во битката за трофејот во европската елита..

Во финалето во 1986 година против Барселона одбрани четири пенали на Каталонците и на тој начин на Стеауа и ја донесе првата и единствена титула европски шампион.

Набрзо по тој натпревар мораше и да ја заврши кариерата поради болест на крвта.