Шок во Партизан: Си замина тренерот Милошевиќ – позната и причината!

Тренерот на Партизан, Саво Милошевиќ, поднесе оставка, пренесува „Телеграф“. Неофицијално, причината е што не успеа да се договори со новото раководство на клубот околу намалување на платата, така што веднаш одлучил да замине од клубот, а претседателот на Работната група Расим Љајиќ и неговите соработници ќе мора да најдат ново решение.

Новото раководство на клубот најави „намалување на трошоците“ на сите страни и се зборуваше за преговорите кои ги имаат и со првиот тренер Милошевиќ.

Се чинеше дека ќе постигнат договор, но Милошевиќ не се согласи со намалување на платата и поради тоа поднесе оставка. Засега не е познато од колку голем дел од платата Партизан барал да се откаже Милошевиќ.

Како што е познато, голем број вработени во Партизан си заминаа поради тоа што не се согласија на намалување на платата или бидејќи тогаш беше оценето дека се „вишок“ и најдобро е за двете страни да се разделат, но малкумина очекуваа дека во истата таа група луѓе ќе биде и првиот тренер.