Лоша вест: Заврши годината за Елмас!

Maкедонскиот фудбалер, Елиф Елмас се здоби со повреда во натпреварот против Летонија од Лигата на Нации и како што стојат работите за него годината е завршена.

Елмас беше заменет во првото полувреме и не настапи на следната средба против Фарски Острови, а по прегледите во Германија стигна лоша вест.

Во прашање е скинат мускул на ногата и според информациите го чека пауза од околу шест недели. Тоа значи дека Елиф нема да се врати до крајот на 2024 година.

Повторно на располагање за дуелите во Лајпциг Елмас би бил на 12 јануари кога неговиот тим ќе се соочи со Вердер.