Анчелоти откри која му е најголемата грешка во кариерата – ја направил во Реал Мадрид

Италијанскиот стратег Карло Анчелоти зборуваше за неговата најголема грешка во кариерата и како што вели таа ја направил во 2015 година кога побарал многу пари за продолжување на соработката со Реал Мадрид.

Анчелоти на церемонијата одржана неодамна во Париз од „Франс Фудбал“ беше избран за тренер годината, па така даде и свое интервју.

„Во 30 години работа не е можно секогаш да имате добри одлуки. На пример, токму во Реал Мадрид имав еден лош избор. По мојата прва сезона (2014/2015) бев блиску да го продолжам договорот и клубот сакаше да ме задржи.

Но, тогаш го притиснав Флорентино Перез барајќи му поголема плата и така прекинаа прегоорите. Од денешна гледна точка тоа е најголемата грешка која сум ја направил, меѓутоа ми помогна и да научам нешто“, изјави Анчелоти.