„Бомба“ од Островот: Чави се враќа на тренерската работа и тоа во – Премиер лигата?!

Според островскиот „Дејли Мејл“, Чави Ернандез е новиот фаворит за клупата на Манчестер Јунајтед.

Екс-стратегот на Барселона наводно веќе ги остварил првите контакти со гигантот од „Олд Трафорд“. Четири лица од раководството на Манчестер Јунајтед отпатувале во Барселона каде што преговарале со Чави, тврдат медиумите на Островот.

Исто така се истакнува дека тоа било и втор контакт во последните неколку месеци. Чави во овој момент е без ангажман, а последниот го имаше во Барселона каде што доби отказ по конфликтот со претседателот Лапорта.

На спротивната страна Манчестер Јунајтед се уште е предводен од Ерик Тен Хаг, меѓутоа на големо се пишува за негов отказ.