Татко и син за прв пат играа заедно во НБА

На отворањето на новата сезона во НБА, ЛОС АНЏЕЛЕС Лејкерс ја победи Минесота со 110:103 во натпревар кој ќе влезе во аналите на НБА.

Имено, тоа беше прв пат татко и син да играат на ист натпревар. Во тимот на Лејкерс играа Леброн Џејмс (39) и неговиот син Брони (20).

Леброн го започна натпреварот во првиот тим и го заврши со 16 поени, две блокади, пет скока и четири асистенции.

Синот Брони доби три минути на паркетот и не постигна кош. Таткото Џејмс влезе во својата 22-ра сезона во НБА, а Лејкерси го драфтуваа неговиот син иако неговото ниво на игра е, во најмала рака, под знак прашалник.

Во претсезоната, во која играта не се игра со толку висок интензитет и се испробуваат нови играчи, Брони постигнуваше во просек само четири поени по натпревар. Имаше слаб процент на шут, само 30 отсто, а во 12 обиди постигна само една тројка. За споредба, Леброн пристигна во лигата како голема ѕвезда и веќе во првата сезона имаше 21 поен по натпревар.