Познато кој ќе ја добие „Златната топка“?

Во текот на наредната недела „Франс Фудбал“ ќе го објави добитникот на „Златната топка“, а според информациите на шпанските медиуми истиот веќе е познат.

„АС“ тврди дека наградата ќе заврши во рацете на Винисиус Жуниор од Реал Мадрид.

Бразилецот одигра сезона во која постигна 24 гола и подели 11 асистенции и со Реал Мадрид ја освои Лигата на шампионите и Примера, а најсериозна конкуренција му биле неговите соиграчи Мбапе и Белингем, како и Родри од редовите на Манчестер Сити.

Ако се остварат најавите Винисиус би станал првиот Бразилец по Кака во 2007 година кој ја добил оваа награда.