Фудбалерот со македонско потекло кој долги години живееше во Австрија, а сега настапува во српското првенство за Спартак Суботица не крие дека сака да го облече дресот на Македонија.
Андреј Тодороски од почетокот на сезоната постигна два гола и подели три асистенции на десет натпревари и се истакна како еден од најдобрите во својот тим.
До кога ќе дишеме отровен воздух!? | Уште еден поткаст
Во интервју за „Спортски Журнал“ тој истакна дека во иднина би сакал да настапува за македонската репрезентација, меѓутоа мора да почека и да се среди документацијата. Во овој момент тој поседува само австриски пасош.
„Разговаравме, секако дека би сакал да играм за Македонија, но треба да се среди документацијата и патиштата да ни се поклопат, односно тие да сметаат дека сум играч кој може да помогне на националниот тим“, изјави Тодороски.
Тодороски е роден во Прилеп, но со своето семејство рано се преселил во Австрија каде што продолжил да живее.
Учество во игри на среќа е дозволено за лица со 18+ години. Играј одговорно!