Англискиот селектор предизвика бурни реакции: Нема да ја пеам химната

Селекторот на Англија, Ли Карсли се најде во фокусот откако изјави дека нема да ја пее националната химна на „Гордиот Албион“.

Попладнево Англија и гостува на Ирска во првиот официјален натпревар по 1991 година.

Пред овој натпревар привремениот селектор на репрезентацијата изјави дека нема да ја пее химната, а објасни и зошто. Ли Карсли е роден во Бирмингем, меѓутоа неговото потекло е од Ирска и одигра 40 натпревари за оваа репрезентација.

„Со ова се мачев уште кога играв за Ирска, химната никогаш не сум ја пеел, бев максимално фокусиран на натпреварот. Химната се интонираше и на натпреварите до 21 година, а јас тогаш влегував во мојата зона. Мислам на тоа што ќе прави противникот, како ќе се постави и како ќе започнеме ние“, изјави Карсли.