Рамос се договорил: Наскоро потпишува договор со новиот клуб

Славниот шпански дефанзивец, Серхио Рамос во новата сезона според последните информации ќе го носи дресот на тимот Ал-Оробах од Саудиска Арабија.

Шпанскиот дефанзивец не ја продолжи соработката со Севиља и ова лето како слободен играч беше во потрага по нов ангажман.

На крајот изборот паднал на Саудиска Арабија и Ал-Оробах. Информациите говорат дека се е договорено и наскоро треба да следи официјализација.

Ќе потсетиме, како слободен играч Рамос не мора да потпише договор до 1. септември кога завршува преодниот рок и тоа може да го направи и подоцна.