Челзи го „блиндираше“ Палмер со нов договор

Младиот Кол Палмер блесна минатата сезона во дресот на Челзи и се етаблираше во еден од најдобрите играчи во Премиер лигата.

Палмер пристигна минатото лето од Манчестер Сити, но набрзо стана лидер во тимот и најдобар поединец во Челзи.

Поради тоа раководството на „сините“ сакаше да го награди со нов договор и му понуди двојно повисока плата.

Денес Палмер официјално стави потпис на новиот договор и се обврза на верност со Челзи до 2033 година.

22-годишниот фудбалер минатата сезона одигра 45 натпревари за Челзи во сите натпреварувања, а успеа да постигне дури 25 гола.