Само три земји не ги наградиле своите освојувачи на златни медали во Париз

Вчера беа затворени 33. Летни Олимписки игри на кои 84 земји освоиле барем еден медал, а од натпреварувачите 206 олимпијци се закитиле со престижното признание.

На игрите во Париз се доделија вкупно 1044 медали, а САД со 126 медали е најуспешната селекција. Некои земји даваа големи парични награди, така Хонгконг за своите олимпијци кои освоиле златни медали им доделува награди од 710.000 евра, но три земји вооошто не обезбедиле награди.

Според информациите на „Форбс“ Велика Британија, Шведска и Норвешка воопшто не ги наградувале спортистите за освоените медали.

Велика Британија на Игрите освои 65 медали. Британците 14 пати се искачија на најсветлиот подиум, а покрај тоа освоија 22 сребрени и 29 бронзени медали.