На Надал вакво нешто не му се случило 22 години

Шпанскиот тенисер, Рафаел Надал изминатата вечер потврди дека нема да настапува на УС Опен, иако тоа беше негова голема желба.

Со потврдата дека нема да настапи на овој турнир стана јасно и дека Надал завршува со настапите на грен-слем турнирите кои оваа сезона ги немаше многу.

Главната цел на Надал беа Олимписките игри, а не играше на Австралија Опен и Вимблдон, додека на Ролан Гарос беше поразен од Александар Зверев во првото коло.

Така Надал ќе ја заврши сезоната без победа на грен-слем турнирите и тоа е нешто што му се случува за првпат од 2002 година кога имаше само 16 години и беше на почетокот од кариерата. Првата грен-слем победа Надал ја оствари во 2003 година кога на Вимблдон дојде до третото коло.