Американците се поклонија пред Модриќ: Хрватскиот ветеран доби овации од 70.000 навивачи 🎥

Лука Модриќ ја игра веројатно својата последна сезона во дресот на Реал Мадрид, а во САД доживеа уште една сцена која покажува за каква класа од играч се работи.

Реал Мадрид го победи Челзи во пријателскиот натпревар со резултат 2:1, стрелци беа Лукас Васкез и Брахим Диаз. За „сините“ погоди Нони Мадуеке.

Модриќ беше одличен во 82 минути колку што одигра, а при замената доби силни овации од стадионот на кој беа присутни 70.000 гледачи. Хрватскиот ветеран за еден месец полни 39 години, но и понатаму покажува дека може да игра на високо ниво.