Зидан најави враќање: Паузата траеше предолго

Зинедин Зидан призна дека и е подготвен да му се врати на фудбалот и дека паузата траела доволно долго.

51-годишната легенда одмара веќе три години откако ја напушти тренерската функција во Реал Мадрид.

Се шпекулираше дека Зизу би можел да стане селектор на Франција, но на Дидие Дешам му беше продолжен договорот. Во последно време се поврзуваше и со клупите на Баерн Минхен и Манчестер Јунајтед.

„Иако е потребно многу енергија, мислам дека е време да се вратам на фудбалот. Мојата пауза траеше предолго. Вистина е дека животот на тренерот е заморувачки, но во исто време и недостасува. Ќе видиме кога ќе се вратам“, призна Зидан.

Зидан во два наврати го тренираше Реал Мадрид и освои се што може да се освои со „кралскиот“ клуб.