Вардар избори опстанок, а Гачевски сега порача: Одиме по титула!

Во вчерашниот бараж натпревар Вардар го победи Детонит Плачковица со 2:0 и така се избори за место во Првата македонска лига и наредната сезона.

Актуелната сезона беше турбулентна за „црвено-црните“. Многумина во еден период и го „отпишаа“ Вардар, меѓутоа на крајот вардарци изборија опстанок.

По победата против Детонит на социјалните мрежи се огласи голманот Филип Гачевски кој испрати порака.

„Браво момци, целта е остварена!!! Секоја чест Комити!!! Што ветивме – остваривме, наредна сезона одиме по титула! Еден живот – една љубов! Да живее Вардар и Македонија“, објави чуварот на мрежата на Вардар.