Торино повлече чекор: Нов договор и нови услови за Михајловиќ

Италијанските медиуми пишуваат дека челниците на Торино му понудиле нов, посилен договор на Синиша Михајловиќ.

На Михајловиќ моменталниот договор му истекува во јуни следната година, а од неговата работа клубот е задоволен и постои желба за продолжуивање на соработката и тоа на најмалку уште една сезона.

Некогашниот селектор на Србија во Торино моментално заработува 1,5 милиони евра по сезона, а претседателот на клубот Каиро, како што наведува Тутоспорт ќе му понуди на Михајловиќ зголемување на платата.

За потсетување, Михајловиќ на клупата на Торино е од мај 2016. година. Новата сезона во Серија А ја стартуваше одлично и во првите седум кола се наоѓа на шестата позиција.

Во клубот се уверени дека со Михајловиќ би можеле да остварат целите, кои меѓу останатото се сведуваат на пласман во Европа.