Пари Сен Жермен е елиминиран од Лигата на Шампионите по поразот со 1:0 од Борусија Дортмунд во реванш полуфиналниот натпревар на „Паркот на Принцовите“, која се пласираше со вкупни 2:0.
Зошто проблемот со улични кучиња СÈ УШТЕ постои? | Уште еден поткаст
По поразот од Борусија зборуваше претседателот на гигантот од Париз, Насер Ал Хелаифи.
„Многу сме разочарани од резултатот. Преовладува тагата, мислам дека требаше да добиеме повеќе. И тренерот и играчите дадоа максимум, а што да кажеме за големите навивачи, беа фантастични“, изјави Ал Хелаифи.
Потоа доби прашање за иднината на тренерот Луис Енрике. Договорот на стратегот на ПСЖ има важност до крајот на следната сезона.
„Дали сте сериозни во врска со ова прашање? Дали навистина знаете или разбирате малку од фудбал? Градиме долгорочен проект со најмладиот тим во Европа, иднината ќе биде светла. Одиме по истиот пат“, изјави претседателот на ПСЖ најавувајќи дека Енрике ќе остане во Париз.
Учество во игри на среќа е дозволено за лица со 18+ години. Играј одговорно!